Այս ֆիլմում նկարագրվում է երկիր մոլորակի էկոլոգիական խնդիրները, ցույց տալով թե ինչպիսի ավարտ կունենա մեր մոլորակը։ Առաջին հերթին խոսքը գլոբալ տաքացման մասին է։ Այս խնդիրը մի քանի տասնամյակ է, ինչ անհանգստացնում է ողջ աշխարհի բնապահպաններին ու հասարակ մարդկանց։ Դրա հետևանքները բոլորովին տխուր են՝ Համաշխարհային օվկիանոսի մակարդակի բարձրացում, գյուղատնտեսական արտադրանքի նվազում, քաղցրահամ ջրի պակաս։ Երկրի վրա ապրող մարդկանց մոտ մեկ երրորդը տառապում է քաղցրահամ ջրի պակասից։ Այս պահին գործնականում ոչինչ չի արվում գոյություն ունեցող ջրային աղբյուրների պահպանման համար։Վերջին երկու դարերի ընթացքում մարդկությունը արդյունաբերության մեջ ակտիվորեն օգտագործում է քիմիական, թունավոր նյութեր, ծանր մետաղներ, ինչը հսկայական վնաս է հասցնում շրջակա միջավայրին։ Թունավոր քիմիկատներով աղտոտված էկոհամակարգերը շատ դժվար է մաքրել, և իրական կյանքում դա հազվադեպ է արվում որևէ մեկի կողմից: Մինչդեռ վնասակար միացությունների արտադրության նվազեցումը և դրանց արտանետումը նվազագույնի հասցնելը շրջակա միջավայրի պահպանման կարևոր մասն է: Եվ վերջապես ամբողջ աշխարհում անտառահատումները տագնապալի արագությամբ են ընթանում։ Բնապահպանական այս հարցում առաջին տեղն է զբաղեցնում Ռուսաստանը՝ 2000-2013 թվականներին հատվել է 36,5 մլն հա անտառ։
Հրայր Հովսեփյան 